Impaktu Pandemia COVID-19 ba Direitus Umanus no Demokrasia iha Timor-Leste

Thumbnail Image
Date
2022
Authors
Chen, Lili
Pacheco, Roberto
Leto, Bernardo
Silva, Dulce : Martins da
Faria, Juvita : Pereira
Journal Title
Journal ISSN
Volume Title
Publisher
Universidade Nacional Timor Lorosa’e (UNTL). Human Rights Centre
Abstract
Sentru Direitus Umanus UNTL inisiál projetu peskiza dahuluk iha fulan Agustu 2022, no sei kontinua, gradualmente halo publikasaun peskiza iha futuru oin mai. Sentru ida ne’e hala'o nia mandatu atu dezenvolve edukasaun no peskiza direitus umanus iha Universidade Nasional Timor Lorosa’e (UNTL). Ho orgullu fó espasu ba peskizadór sira hodi envolve iha projetu peskiza ida ne’e ho objetivu atu esplora impaktu no implikasaun husi pandemia COVID-19 iha Timor-Leste. Peskiza ne’e kobre kona-ba asuntu direitus umanus no hafahe ba asuntu espesífiku área direitus umanus nia hanesan: direitus sosiál, ekonómiku no kulturál sira, direitus polítiku no sivíl sira, inklui asuntu espesífiku, kobre grupu marjinalizadu no vulneravel sira hanesan ema ho defisiénsia sira, feto, labarik no estudu kazu relevante sira seluk. Rezultadu finál husi projetu peskiza ne'e sai hanesan publikasaun parseiru ne'ebé fó sai hamutuk husi Global Campus Direitus Umanus no UNTL. Publikasaun sei hala'o iha eventu loron Direitus Umanus Internasional ho naran “Dili Human Rights Education Week " entre 10-15 Dezembru 2022. Rezultadu publikasaun ne’e sei rai hanesan materiál obra akademia. Nune’e mós sei organiza no envolve audiénsia hotu ne'ebé kompostu husi reprezentante sira husi ajénsia estadu relevante sira, sosiedade sivíl no mós membru akadémiku sira. Peskiza ne’e kobre kona-ba impaktu no implikasaun husi pandemia COVID-19 iha Timor-Leste. Espesialmente sei kobre asuntu direitus umanus, iha nivel jerál no espesífiku tuir nia área hanesan: direitus sosiál, ekonómiku no kulturál sira, direitus polítiku no sivíl sira, inklui asuntu espesífiku, kobre grupu marjinalizadu no vulneravel sira hanesan ema ho defisiénsia sira, feto, labarik no estudu kazu relevante sira seluk. Atividade peskiza ne’e sai nu'udar oportunidade úniku ba UNTL-HRC ho nia asosiadu sira husi, alumni 2019-2020 "Programa Estudu Direitus Umanus no Formasaun" (grupu 1 no 2) atu hala'o peskiza orijinál ne'ebé sei publika no disemina iha nivel lokál no rejionál liuhusi UNTL no rede Global Kampus Azia Pasifiku. Títulu peskiza sira mak hanesan tuir mai ne'e:  Impaktu Covid-19 ba komunidade LGBT iha munisípiu Dili no Liquiça iha Timor-Leste. Hakerek husi: Lili Chen, PhD. Profesóra Konvidadu-Universidade Nacional Timor Lorosa'e-UNTL.  Impaktu COVID-19 ba prosesu aprendizajen aula online iha UNTL. Hakerek na'in: Roberto Pacheco, SH. MDH. Profesór Universidade Nacional Timor Lorosa'e-UNTL.  Impaktu Pendemia COVID-19 ba Direitu ba Edukasaun iha Timor-Leste. Hakerek na'in: Bernardo Letto, MsC. Profesór Universidade Nacional Timor Lorosa'e-UNTL.  Impaktu Pandemia Covid-19 ba Bein-Estar Joven Difisiente Sira iha Dili, Timor-Leste. Hakerek na'in: Juvita Pereira Faria, Alumna Global Campus, The Asia Pacific Master of Arts in Human Rights and Democratisation (APMA).  Utilizasaun Média Sosiál no Liberdade Expresaun Durante Pandemic COVID-19 iha Timor-Leste. Hakerek na'in: Dulce Martins da Silva, MA. Profesóra Universidade Nacional Timor Lorosa'e-UNTL.
Description
Keywords
Citation